ကချင်ပြည်နယ်မိုးညှင်းခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်အစိုးရစက်မှုလက်မှုသိပ္ပံမိုးညှင်းတို့ပူးပေါင်းကာကျောင်းသား/သူများဗလငါးတန်ဖွံ့ဖြိုးစေရန်ရည်ရွယ်ပြီးလူငယ်စကားဝိုင်းဆွေနွေးပွဲကိုဖေဖော်ဝါရီလ၉ရက်နေ့လည်ပိုင်းကဘွဲ့နှင်းသဘင်ခန်းမမှာကျင်းပခဲ့ပါသည်။ပထမဦးစွာဆွေးနွေးပွဲတွင်ကျောင်းအုပ်ကြီးဒေါက်တာကျော်ကျော်မြင့်မှအဖွင့်အမှာစကားပြောကြားခဲ့ပြီးခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှခရိုင်ဦးစီးမှူးဒေါ်နွယ်နွယ်အေးကလူငယ်စကားဝိုင်းကျင်းပရခြင်း၏ရည်ရွယ်ချက်များကိုရှင်းလင်းပြောကြားခဲ့ပါသည်။ဆက်လက်ပြီး ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန မှဦးစီးအရာရှိဒေါ်တိုးတိုးမေကဦးဆောင်မိတ်ဆက်ဆွေးနွေးသူအဖြစ်စတင်ဆောင်ရွက်ပြီးမောင်မျိုးသန့်(2GC)ကလူငယ်နှင့်စာပေ၊မမီမီစန်း(3GIT)ကလူငယ်နှင့်အင်တာနက်၊မောင်ခိုင်မြဲအောင်(1GEC)လူငယ်နှင့်အဂတိလိုက်စားမှု၊မမိုးပွင့်ဖြူ(2GMP)ကလူငယ်နှင့်မျိုးချစ်စိတ်ဓာတ်ခေါင်းစဉ်နှင့်မောင်ဂျေညီညီ(1GEP)ကလူငယ်နှင့်ကိုယ်ကျင့်တရားစသည့်ခေါင်းစဉ်များဖြင့်ဆွေးနွေးခဲ့ကြပြီးတက်ရောက်လာကြသောကျောင်းသား/သူများကလည်းသိရှိလိုတာများကိုပူပေါင်းပါဝင်ဆွေးနွေးခဲ့ကြပါသည်။